ఎందుకోవిడ్+అలేని…ఆశ

                                                              ౧వ అంకం: ఆదినిష్టూరం  

                           ఎవా నడిరాతిరితిమిరాన రోచులలో నిదురెరగని నగరాలు?

                           ఏవీ ఆ ఖండాంతర రుచుల విందుభోజన సురాపానపసందు వైనాలు?

                           ఎవా కిక్కిరిసిన కూడళ్లలో అలుపెరుగని జనసాగర కెరటాలు?

                           ఏవీ ఆ సిటీబస్సుల బుసలలో,మెట్రో ప్రతి’బుస్సు’లలో తోసుకోవడాలు?

                           అక్కడే దొరికిన చోటులో,చరవాణి ‘చెర’దాసులు,పొత్తాల పురుగులు..
                           ఎక్కడా ఉరుకులు,పదుల మైళ్ళు,కాళ్ళు,చక్రాలపై పరుగులు?

                                          ఏదీ ఆ రణగొణ అపస్వరోదృత నిరంతర హాహాకార వాహనసరాలు?
                              ఏదీ ఆ వారనుండీవారకు, నిలువూ, అడ్డం, ఐమూలగా రవాణా సదుపాయాలు?

                               ఏమా బోసిపోయిన పై-వంతెనలు, వృత్తాలు, నలువరసల రహదారులు!

                              ఏమా వెండివెలసిపోయిన సినీసాయంత్రాల పలుతెరల సముదాయాలు!

.

.

(సశేషం..)

దిక్కులేని ఆశ..

[A kid before dying in an hospital said this to doctor, “I’m gonna tell everything to the God”]

#PrayingIsntHelping #MournForSyria

సమానత్వాన్నమానుషంగా కాలరాసి పీకనులిమితే,

కుంగి కుమిలిన సౌభ్రాతుత్వం..

వసుధైక కుటుంబాన్ని తలపోసి,

ఆశపడిన వెర్రి బుర్రని,

తన తలని మానవత్వం సమాధి కేసి మోదుకోగా,

కసిగా బాదుకోగా నెత్తి పగిలి, పుర్రె చితికిపోగా,

‘చితి’కిపోకనే కపాలమోక్షం నెత్తుటి మడుగులో జరిగిపోగా..

ఆశ తీరని సౌభ్రాతుత్త్వపు ఆత్మ లేచి, పరమాత్మని చేరి,

ఈ మరుభూమిని ఓసారి చూడమని,

చేతులెత్తి మొక్కి దేవునికి, తనని

దానవుడైన మానవుని ఉనికి లేని,

మరో ప్రపంచపు ఆచూకీ చూపమని..

భేదాల్లేని, ఖేదాల్లేని, విశ్వశాంతికి అవరోధాల్లేని..

ఐకమత్యానికి అందలమేసి అందరు కలిసి

భుజాలు కలిపి, సమసమాజం నిలిపి

మనగల మరో ప్రస్ధానం ఉనికి తెలుపమని,

ఉద్రేకపడి వేడుకొనగా..

ఊ కొడుతూ అటు తిరిగి కూర్చున్న దేవుడి వేదన,

మూగ రోదన చూసి, ఉలిక్కి పడి, వివరమడగగా

ఒడిలో పడున్న పసి బాలుడిని నిమురుతూ ఇలా చెప్పుకున్నాడు,

చేష్టలుడిగిన దేవుడు

‘ అదిగో చూడు.. అదీ పసివాడి దేహం..

అదిగో స్మశానం లానే అగుపించేదే వీడి దేశం..

అక్కడ ఆసుపత్రి లోనే బూడిదవుతున్నది వీడి కాయం..

మనుష్యుడికిచ్చిన జ్ఞానం, నే చేసిన పాపం..

శాంతి పేరున మారణ హోమం, నరక కూపం

చిన్న దేశాల్ని మింగుతున్న పెద్ద దేశాలు…

గుట్టలుగా పడి మండుతున్న శవాల రాశులు

కళ్ళముందే కన్న వాళ్లు కన్నుమూయగా,

గుండె పగిలిన, ఒక్కడె మిగిలిన

ఈ చంటి పిల్లాడు వైద్యుడితో చెప్పి వచ్చాడు..

తన గోడు, దేవుడు వింటాడనుకుని…

కాని, నా సృష్టి నా సృష్టి చేతనే లయం కాబడుతుంటే

నేనెవర్నని శిక్షించుకోను? నన్ను నెను తప్ప?

మనుషులకి అన్నీ ఇచ్చాననుకొంటుంటే,

ఆశని పోషించి, విచక్షణను విసిరికొట్టి, ధర్మాన్ని పాతిపెట్టి

బుద్ధి తో బూడిద పోగేసుకుంటుంటే అది నా తప్పా? ‘

అని కన్నీటి తో ఆ పిల్లడి మోము పై చితా భస్మం కడుగుతూ దేవుడు,

ఎదో చప్పుడయితే పైకి చూసేడు.

సౌభ్రాతుత్త్వపు ఆత్మకున్న ఆఖరి ఆశ కూడా, కరిగి, కాగిపోయి అంతరిక్షం లోకి ఆవిరైంది..

ఆ సగం చచ్చిన ఆత్మ కూడా, దేవుణ్ణి చూసి జాలిపడి, మూగవోయి, రోదిస్తూ రోదసి లో మాయమైంది.

-rn

పలాయన వేగం (escape velocity 0.0)

ఎండ కన్నెరుగని కోమలులని,
వెన్న సోకినా కందె సుకుమారులని..

సొగసుల ప్రోవులని, ఎలనాగు కాంతలని,
ఎంతెంత ఎంతెంతని మన ఇంతులను..

మన సుఖావసారాలకు ముఖారవిందాన్ని,
మన జీవనాధా రాలకి నడత అందాల్ని..

వివిధ గ్రంధులు విరివిగా శ్రవిస్తే చేసే,
విడమరిచి అంగాంగ వీర వర్ణనలు..

జాబిలి తో ఉపమానాల, ఉత్ప్రెక్షల సరాలు,
నిజాలు పరికిస్తే, పాలపుంత లో తారలు,
పౌర కుంటుంబానికి అధారమే వారలు,
సకల మానవులకు జీవన ధారలు..

కానీ వారిపైనెన్ని ఆంక్షలు! స్వేచ్ఛ హరించే కక్ష్యలు!
లక్షల్లో రాహు కేతువు లెందరో గ్రసించే శిక్షలు..

ప్రకృతిస్వరూప మంటూనే వారిపై
వికృత చేష్టలు, విసిరే మంటలు..

కన్నీటిని కాచుకుని, ఈ పురుషాధిక్య కక్ష్యలను దాటుకుని సాగడానికి,

అన్నిటినీ అధిగమించి, స్త్రీ ఆధారిత రోదసి చేరుకుని ఆగడానికి,

అందుకోవాల్సిన వేగాలున్నాయి,
అందుకు వదులు చేస్కొదగిన రాగద్వేషాలున్నాయి,
వదులు కోవాల్సిన బంధాలున్నాయి,
నీకై నువు నిరూపించు కోవాల్సిన పంధాలున్నాయి,
నువు నెరపాల్సిన పంతాలున్నాయి,
నువు చెరపాల్సిన లక్ష్మణ రేఖలు ఇంకా ఉన్నాయి,
నువు చేరాల్సిన దూరాలింకా చాలా ఉన్నాయి...

-rn

అజా

Kuduruga nilavani manasuni...
Mruduvuga laalinchaalanukuni..
Beduruga koorchodam maanukuni..

Gathaani vadiley..
Prasthutham tho modalai,

Bhaavi majilee Vaipu..

Thabaduthoo aaina sare munduku adugey..

Madi vinadaa, ponee mari enduko adigey..

Thudivaraku raani, are thondara padakoye..

Kathaveduthoo undanee, siraa kindaku padaneey..

Kadulothoo rayanee, alaa aapaku kalaanni..

'Varthamaanam' lo viharincha kunda,

Nee Paatha pageele nu chaduvuthoo koorchunte..

Bhavishyattemauthundo aalochinchaava...

Ani allaa aardrathatho 'azaa' isthoo aduguthunnadu. . Adugo..
Aalakisthunnaava...?

-rn